MK Sun Funny Sayings

Since I enjoyed "Survivor's Law II" so much, here is a 重溫 of MK's 對白 with Lily. By just reading these, 我真係由個心都笑出嚟呀!

<

MK鈴聲：有件蛋散搵你!

第1集：
MK：別怪她...別怪她...
Lily：唔好唱呢首歌得唔得呀，好難聽呀!!
Lily：你架車真係好臭下喎，會唔會有啲死老鼠，死曱甴爬出嚟㗎?
MK：你把口夠臭啦，會唔會有死老鼠喺裡面呀?
Lily：咦!!乜連襪都有一隻喺度㗎!
MK：唔好亂咁「抄」呀，一陣間「抄」埋啲底幻，咸書，大家尷尬呀!
Lily：收得工啦，你快啲走啦!
MK：收咩工啫，我都係律師嚟㗎!

第2集：
Lily：唔該你尊重下你自己嘅職業啦，你話曬都係一個律師嚟㗎，咁嘅身世返工都唔知似乜!
MK：我咁嘅身世返工唔代表我唔尊重呢份工，你著到成雀咁夠似砵蘭街開工啦!

MK：嘩! 師父真係神仙放屁，不同凡嚮呀! 冇跟錯師父呀!
Lily：喂，好心你講嘢唔好咁核突，得唔得㗎啫!
MK：我講嗰啲呀，係中國好有傳統嘅諺語呀，好有文化㗎! 你啲假鬼妹唔識㗎!

MK：愛情唔係靠禮物來證明，係靠上床，上床咪證明到囉，愛唔係講，係做㗎!

第3集：
MK：喂，你唔好抵毀我人格喎!
Lily：人格? 乜唔覺你有嘅!

MK：快啲覆機呀! 孫俐俐，你係咪跌咗落屎坑呀? 係呀單聲我知，等我屙多篤落去。好快啲拎翻個輪畀我呀，唔該你唔好玩嘢，覆機!

第4集：
Vincent：點解你做親啲嘢都咁踩界啫?
MK：點解你咁靚仔㗎啫!!

Lily：“傷人39”(侵害人身罪條例)
MK：點呀? “XX27”一個女人去到27歲都仲未有男朋友係容易心煩氣燥啲㗎啦!

達仔：咩嘢叫做感情呀?
MK：好複雜㗎，講你都唔明啦!
達仔：咁一見鍾情呢?
MK：啲大人嘅玩意，細路仔問嚟做咩呀!
達仔：咩嘢係一見鍾情呀?
MK：即係譬如你...好鍾意食豬扒，突然間見到塊豬扒想咬落去，咁咪係一見鍾意囉!
達仔：咁...如果有一見鍾情，點解有啲人話感情要培養呀?
MK：咁有啲人唔鍾意食豬扒㗎嘛...但對下對下都想一啖咬落去，咁咪培養感情囉!
達仔：嗲啲媽咪對咗咁耐都冇感情咩，點解佢哋要離婚呀?
MK：咁大人嘅嘢，細路仔問咁多做咩呢!
達仔：佢哋離婚，我會跟邊個呀?
MK：我唔知喎!
達仔：我跟嗲啲定係媽咪呀?
MK：我都話唔知囉!
達仔：問世間情為何物?!
MK：夠喇!!!

第5集：
Lily：乜你有個女㗎?
MK：喂，叫聲爸爸就係我個女呀? 我叫你老婆，你同我上床!

Lily：我個樣點呀?
MK：正呀! 正過我今朝早餐!
Lily：你今朝食咩呀?
MK：豬扒!

第5集：
MK：男人撇女呀，有幾多個藉口呀! 係你先信㗎啫，人頭豬癲雞! 你呀，喊死都冇人理你呀! 感情用事，做嘢又冇心，唔認真，你返屋企做千金小姐啦!

第5集
MK：反對!
Lily：你反對乜嘢呀?
MK：你乜我都反對!
Lily：我反對你反對呀!
MK：我夠反對你反對囉!
Lily：哼...
MK：呵!...

第6集：
管理員：辛萬軍小朋友，你嘅屋企人家寶喺噴水池邊等緊你。

Lily：你呢個寡情薄倖嘅賤男人，你對我一字一句都係假情假意㗎，我對你癡心一偏，你就當我黐鬼線，我話畀你聽呀，你簡直就係狼心狗肺，天地不容，衣冠禽獸，卑鄙無恥下流賤格嘅賤男人，你去死啦!

寶寶：爸爸，你因住整爛我啲嘢呀!
MK：你喺隻癲雞度住咗幾日啫，乜多咁多行李㗎! 啲gift好重呀，唔攞返去得唔得呀?
寶寶：樣樣都好有用㗎!
MK：有咩咁巴閉呀?!
寶寶：返到去你咪知囉，快啲行啦!

MK：跟咗隻癲雞幾日，變咗隻八歲嘅癲雞!
阿飛：一個只得八歲嘅孫律師，真係聽到都打冷震呀!

第7集
MK同副校長講：我讚你靚女，唔代表我輕佻，係坦白同誠實嘅表現。

第10集
MK：嘩!最新款嘅跑車胎呀?淋啲跑得快啲呀?
Lily：嘿!
MK：我唔會幫你嘅!
Lily：你係咪男人嚟㗎?
MK：我梗係男人啦!我個個女人都幫，係你就唔幫!

副校長：請問兩位有冇同家寶講下一啲性教育嘅知識呢?
MK：哦...都有教佢要喺適當嘅時候要嗌唔好嘅，始終女仔丫嘛。
副校長：辛先生，辛太太...
Lily：等陣先，頭先你嗌我咩話?
副校長：辛太囉!
Lily：Excuse me! 因為呢一個呢，就絕對唔會係我嘅husband囉!同埋，我只不過係寶寶嘅臨時監護人嚟㗎咋。
MK：你想做辛太呀? 發夢你!
Lilly：你想我做辛太? Dream on!
MK：你發夢呀!哼!

第12集：
MK：你個𡃁妹，駛唔駛踩到Noel姐姐咁盡呀，話曬都係女仔呀!
寶寶：你對Noel姐姐都冇意思嘅，唔好阻住人哋啲時間下嘛，我都係幫下你手啫!
MK：蠱蠱惑惑!
寶寶：跟得你多呀嘛!
MK：講真，Noel姐姐都唔錯嘅，不過就...not my cup of tea!
寶寶：爸爸，你唔鍾意飲tea個喎，你鍾意飲鴛鴦個喎! 你杯鴛鴦就喺我部電話裡面丫...
MK：咩呀?隻“癲雞”幾時變咗“鴛鴦”㗎？!
寶寶：咁你想唔想要先?
MK：梗係要啦!快啲send過嚟啦，仲問!

Lily：你個人就係咁㗎啦，成日玩玩下，冇嚟認真!
MK：我邊有玩玩下呀? 我對你認真㗎!
Lily：黐線!

MK：Lily，你成日話我唔認真，玩玩下，我而家喺咁莊嚴嘅法庭入面同你講多次，我對你係認真。坦白係無罪，我對你係真㗎，你信我呀!

第14集：
Lily：你呢頭又追我，嗰頭又針對我嗲啲，你想點樣㗎?
MK：我追你同告你嗲啲間公司係兩件事，我公司分明咋，係咪好MAN呀?

第14集
MK：你成日話我對感情唔認真，其實最唔認真嗰個係你，你將感情嚟做籌碼，我對你好失望呀! 你講得啱，我哋好有距離，由呢一刻開始我唔再鍾意你! 冇人可以阻止我執行公義㗎!

第18集
MK：為咗要取佢個寶貝女，幾多打啤酒都要隊!

MK：係，我係草根出身，論背景，論身份，我拍馬都追唔上你，但講到愛鍚Lily嘅程度，唔會畀你差!

*Credits to winna @ tvb.com, and other kmkm fans