Nancy Wu @ 妖精有好報

用「姣得有道理」形容胡定欣最貼切不過，在劇中擠眉弄眼的她的確妖艷，入行7年來，她不是做妖女就是做所謂「姣精」，但她卻樂在其中，她說：「依家d觀眾要求多o左，對演員要求高好多，o係《巾幗梟雄》入面，佢地好鍾意睇我點姣，點做一個勾引人o既女人，Keep住睇我o既角色變化，要做到又姣又唔乞人憎，真係好難！」現實中的胡定欣，性格卻跟「姣」風馬牛不相及，反而更像男仔頭：「我姣唔姣？咁就要問大家喇！如果可以姣多o既，就唔會咁少花邊新聞啦！我嫌自己唔夠姣添！」

佩服勇敢監製

胡定欣認為演奸角或姣精無傷大雅，因為發揮機會更大：「好多人恨做反派，我遇到呢d角色，可以話係不枉過，我o係《巾幗》入面偷情，連媽咪都入晒戲咁話『有冇搞錯』，真係好有滿足感！」所謂「一將功成萬骨枯」，胡定欣坦言那麼多監製找她演高難度角色，可謂一場賭博：「佢地真係好勇敢，有時連我自己都冇信心做好，隨時會搞臭個角色，但佢地都冒咁大風險搵個可能搵錯o既人，我好佩服。」

有些演員，到退出仍是「戲屎」一名，但有些人卻天生懂得演戲，像跳班一樣跳過花瓶階段，胡定欣是後者：「好幸運，我o係演技從來冇畀人插過，好多同事幫我、畀意見我，又有監製畀機會我，但o岩o岩入行o個陣，因為太多懶音，成日將『香港』讀成『香趕』，『中國』讀成『中角』，搞到成日畀人鬧！有次做綜藝節目，有人話我『阿女，你咁多懶音，一世都改唔到喇！』講到我冇晒希望咁，但我唔忿氣，我知藝人要聲色藝俱全，更以聲行先，所以每日讀報紙改善發音，依家再冇畀人話喇！」

不敢奢望封后

要在電視城出位談何容易，不少花旦搞是非或緋聞，但胡定欣認為這些方法很不實在：「呢個圈子，每個人都有唔同目的，有唔同o既生存方法，上位o既途徑有好多，過到自己就得。」問到有哪些事情過不到自己，她即話：「出席某某飯局囉！做人都係實在d好，雖然我成日做姣o既角色，但我唔係乜o野性感尤物，可能就係咁，從來冇人搵我去飯局，哈哈！一直都唔On List！」

胡定欣自言是一個沒有羅獎命的人，視后對她來說更是十分遙遠，奪得「飛躍進步女藝人」獎已是極大鼓舞，她不敢強求，只希望演出一個富傳奇性的角色便滿足。

夾嚇馬國明

哪個女孩不想被愛？胡定欣與一般女生無異，都想有男朋友借出肩膊讓她倚靠，自從與吳浩康分手後，很多身邊人問她何時再帶男友出來，與馬國明傳緋聞後，總算找到一些端倪，但她依然否認與馬國明撻著：「我地都未拍過拖，唔知夾唔夾喎！不過佢真係一個好人！」記者叫她嘗試「夾嚇」馬國明，她即甜笑說：「哦！」哦……一切盡在不言中。

What girl doesn't want to be loved? Nancy is just like all girls who want to have a boyfriend who lends a shoulder for her to lean on. Ever since her breakup with Deep Ng, many people have asked her when she would bring her boyfriend out. After her rumours with Kenneth Ma came about, clues are finally found. However, Nancy still denies going out with Kenneth: "We have never dated, so I don't know if we would even 夾 (get along)! But he is really a nice guy!" The reporter asked her to try to 夾 with Ma Ming. She instantly smiled sweetly and said, "哦 (okay)!" Okay.... All is in not saying.

Personal Note: It sounds way better in Chinese! Ha ha....

*Credits to the-sun