袁詠儀（靚靚）昨日在張智霖（Chilam）陪同下，在山頂明德醫院剖腹誕下8磅男嬰，母子平安。初為人母的靚靚難掩喜悅之情，見到BB的一剎那感動得哭出來，她更形容BB手長腳長，甚有Model的型格！
靚靚產後精神極好，昨日接受訪問時中氣十足，對答如流！她透露前晚感陣痛入院，昨日在Chilam陪同下入產房，誕下約8磅重的囝囝。靚靚笑說： 「Chilam都有入去，仲帶埋攝錄機，但只係影都BB出世o個刻！」當聽到BB的喊聲，得知他平安健康時，靚靚即感動得哭出來：「聽到BB喊得咁大聲， 好感動！Chilam開心到話要即時抱o個個BB！」
遺傳父母優點
提到BB似爸爸還是媽媽時，靚靚即搞笑地說：「佢依家成舊粉咁，真係唔知似邊個！只要佢健康，我就開心o架喇！」靚靚愈說愈雀躍，更忍不住讚BB手長腳長：「佢好長！手長腳長！好有做模特兒o既型格！」看來這個8磅B仔，遺傳了父母的優點。
至於初為人父的Chilam，昨晚接受有線電視主持陸浩明（六號）電話訪問時坦言，心情興奮，但因要不斷向傳媒交代喜事，感到有點累。講到囝囝似他還是靚靚時，他笑說：「真係大家都有d似！但咁初期，未睇清楚，等多三五七日會再肯定o的！」
名字未有定案
至於BB名字，Chilam自言至今仍未定案，更笑言不如起名為「六號」，主持人六號即笑說：「12號生日，不如叫張十二！」Chilam聞言笑說：「好喎，十二少！」Chilam還大讚靚靚望住BB時，溫柔兼充滿母愛：「不過唔係望住我囉！」
兩口子首度為人父母，希望保持低調，難怪Chilam前晚想盡辦法撇甩傳媒，與靚靚開車到好友沈嘉偉家後，才再秘密入院！另外，靚靚早前雖不時被拍到外出吃飯，但得知BB快將出世，已甚少外出，最近一次露面已是本月初，當晚靚靚邊捧著肚子邊表示自己醜樣，著記者不要拍照！
*Credits to mingpao
No comments:
Post a Comment