吳卓羲、楊怡情場o氹o氹轉真假莫辨

曾傳緋聞的吳卓羲和楊怡，鏡頭內外均表現親暱。

楊怡忽然跳over跨過吳卓羲，相當貪玩。

吳卓羲和楊怡在公園玩耍，勾起求學時的甜蜜回憶。

吳卓羲和楊怡趁情人節到公園玩餐飽，他們邊玩搖搖板和o氹o氹轉，邊各自回味初戀情景。兩位緋聞男女，在鏡頭前後均表現親暱，戀情真假難分。

今天是情人節，楊怡和吳卓羲日前到公園回味讀書時的拍拖情景，看見穿校服的小情侶，吳卓羲不禁憶起甜蜜初戀，他說： 「我讀書時拍拖會去九龍公園，因為行公園可以慳錢。」 楊怡則喜歡約三五知己到公園角落談心，她說：「我讀中學時冇拍拖，但會同同學o係公園傾心事，講暗戀緊邊個男仔咁。」

手拖手逛街
吳卓羲和楊怡曾傳緋聞，雖然他們無論鏡頭內外亦不時攬頭攬頸，卻強調彼此沒機會發展，吳卓羲說： 「如果我真係有女友，我會講出黎，呢代藝人唔同上一代咁保守，fans接受程度高左。」 楊怡亦說： 「我當吳卓羲係女仔，佢當我係男仔，大家太清楚對方性格。不過我o地就算銅鑼灣行街，都會拖住手行，就算唔拖手，報道都可以好誇張，所以我o地唔會理。」

送花到公司
二人還大談情人節時取悅愛侶的心得，吳卓羲說： 「情人節送花係貴o的，但都要做，如果想慳錢，亦可以屋企煮飯仔，一樣咁開心。」 楊怡則說：「送花係好，女仔一定開心，但最好直接送到女仔公司或屋企，如果行街食飯，住紮花都幾核突。」

*Credits to appledaily